Asunción, Agencia IP.- Ko arakõi jasypa mokõi, oñepyrũta virume’ ẽ «Tekoporã Mbarete» umi oikóva Misiones, Caazapá, Cordillera, Central ha Paraguaýpe, umi orekóma tarjetas de débito guarã.
“Roguahẽta avei ambue tetã vorépe rohupyty haguã bancarización romba’apóva”, he’i Tadeo Rojas, Ministro Tekoaty Akãrapu’arã Motenondehagua.
Ko virume’ẽ oñepyrũva jasypa mokõi ha’éva jasyporundy rehegua, umi ogayguáva oñeme’ẽta 25% hetave viru, moingeñepyrũ Tetã Rekuái Tekoporã Mbarete rehegua, oñepyrũva jasypoapype.
Tekoaty Akãrapu’arã Motenondeha he’i pe virume’ẽ mensual omohenda porãveta virureko umi oĩva programaryepýpe.
Ko Motenondeha he’i avei ikatúma oñepyhy ára paha jasypa guive.
“Ko jehupyty ha’e momba’eguasu ha oĩ Plan de Acción-pe peteĩha 100 ára Tetã Rekuái rehegua, ha roñepyrũ romoĩve 25% umi ogayguávarã, ha ko’ãga roikuaauka virume’ẽ mensual, umi hénte oha’arõva ha romboajeha mbeguekatúpe”, he’i Ministro Rojas.