Asunción, Agencia IP.- Oñeñangareko kuri 102 tapichakuéra hesakuéra Unidad de Salud de la Familia Yrybucuá-pe, tetãvore San Pedro-pe.
Kóa ojejapo Tesãi ha Teko Porãve Motenondeha (MSPBS) Programa Nacional de Salud Ocular rupi, ha oipytyvõ avei Segunda Región Sanitaria San Pedro rehegua, ha Atención Primaria de la Salud.
Ko tembiapo oipytyvõ pe avarekoha toñeñangareko hag̃ua hesáre, ha ome’ẽ avei hikuái pohã oñeikotevẽva ha anteojo. Avei, ojehecha umi tapicha hasýva ojeoperava’erãva.
Ojejapóma kuri ko’ãichagua tembiapo Programa Nacional de Salud Ocular rupi, ikatu hag̃uaicha opavave oikotevẽva oñeñangareko hese hesa ohupyty chupekuéra ko tembiapopy tetã pukukuépe.
Ko tembiapopýpe omboguata kuri director regional Edison Florentin, avei pohanohára Darío Soria ha mba’apohára Programa Nacional de Salud Ocular ha APS rehegua.