Oñemoporãve tape oipytyvõtáva 500 ogayguakuéra oikóva tetãvore Guairápe

Asunción, Agencia IP.- Umi mba’apohára Ministerio de Obras Públicas y Comunicaciones (MOPC) rehegua ojapo kuri hikuái perfilado, bacheo ha cunetado irundy táva tetãvore Guairápe. Upéicha, oñemoporãve umi tape ohasávape hetave 500 ogayguakuéra oikóva upérupi.

Umi tembiapo ojejapo kuri distrito N.º 4 MOPC-re, ha’éva Cerrito-Ñu Pyahu, Ciervo Cuá-Karpa Kue; Villarrica-Caroveni, Villarrica-Cerro Polilla-Yoveré; Tahýi 25 – Santa Elena ha Torres Cué – 5 Línea-pe.

Ko’ã ojejapo kuri ára 5, 6 ha 7 ko jasýme, ha ojeipuru 620,0 m³ material oñemopu’ã hag̃ua. Upéva ohupyty 21,40 kilómetro táva Natalicio Talavera, Gral. Eugenio Garay, Villarrica ha Paso Yobai.

Ko tembiapo ojejapo omba’apo oñondive haguére umi gobernación ha municipio upérupigua, he’i kuri MOPC.