Asunción, Agencia IP.- Umi mba’apohára SIU-Senad rehegua oipe’a peteĩ kárga orekóva 456 kílo cocaína rehegua, ojegueraháva hína peteĩ kamiõ orekóva doble fondo. Upépe, ojeapresa 6 tapichakuérape.
Umi pohã vai ojeipe’áva oiko táva Yabebyrýpe, tetãvore Misiones. Ojegueraha kuri peteĩ kamiõ orekóva doble fondo, ha omoirũ chupe ambue kamiõ ha’etévaicha chupe, he’i kuri Senad.
Ojekuaa pe valor orekóva umi pohã vai ojeipe’áva ha’e haimete 14 millones de dólares, péva peteĩha cocaína kárga ituichavéva ojeipe’áva 2025 jave.
Umi agente especial SIU-Senad ha Ministerio Público rehegua omotenonde ko tembiapo héra «Operación Perla Negra», oikóva pe tape ombojoajúva Yabebyry avarekoha Panchito López ndive.