Asunción, Agencia IP.- Viceministerio de Transporte oikuaaka ojapo hikuái 18 múlta nokumplíri haguére pe servicio de transporte público rehe. Ko’ã ojejapo 13 empresa de transporte omba’apóva Paraguaýpe. Oñemulta kuri 10 jornal mínimo, ombojojáva G. 1.076.270 peteĩteĩ, oñeme’ẽ kuri umi kamiõ ndoikóiva térã ndoikóiporãva hi-aire acondicionado.
Avei, ojehecha kamiõ oguerekóva apyka ha chapería oñembyaíva, ha ambue mba’e vai ojapóva umi mba’yrumýi pasajero ohasa vai.
Umi empresa oñesancionáva ha’e: Ciudad de Limpio S.R.L., Automotores Guaraní S.R.L., De La Conquista S.A., Ximex S.A., Mariscal López S.R.L., Campo Limpio S.A., 1° de Diciembre S.R.L., General Aquino S.R.L., Lince S.R.L., La Lomita S.A., Vanguardia S.A.C.I., Aregueña S.A. ha Capiatá S.R.L.
Ary ohasávape, VMT omulta kuri G. 334.464.314 repy. Umi múlta ohupyty G. 1.076.270 ha G. 18.617.471, odependéva mba’eichaitépa ivai umi mba’e vaíva ojehúva.
Ojehecha ramo ambue mba’e vai orekóva umi mba’yrumýi, ojehai arã (0986) 898 600-pe.