Asunción, Agencia IP.- Ministerio de Salud ome’ẽ kuri pohã 2.500 millón repy III Región Sanitaria-pe Cordillera-guáva, ikatu hag̃uaicha oñemombarete umi tasyo upérupi.
Umi pohã ohupyty G. 2.560.591.528 repy, he’i kuri Ministerio de Salud. Ko’ã oñeme’ẽta opavave tasyo oikéva ko Región Sanitaria poguýpe, ikatu hag̃uaicha oñeñangareko porãve umi tapicha oikóva upérupi.
Oñeme’ẽ kuri ko’ã pohã: ostomizado-pe g̃uarã, antihipertensivo, antiparasitario, antiinflamatorio, antibiótico, antihistamínico, antimicótico, broncodilatador, analgésico ha antifebril, ha ambue mba’e oñeikotevẽva.