Asunción, Agencia IP.- Ministerio de Salud Pública oikuaaka oñeme’ẽ kuri ambue pohã ha tembiporu Parque Sanitario Itapúa-gua, ikatu hag̃uaicha oñemona ñane retã sur gotyo. Ko’ã ohupyty G.13.130.162.747 repy.
Umi pohã ojeguerahakáva ha’e oncológico, antihipertensivo, antidiabético oral, insulina ha antiinflamatorio. Oguahẽ vove Parque Sanitario-pe, ojegueraháta ambue tasyópe oikéva VII Región Sanitaria ryepýpe.
Avei, oñeme’ẽ pohã ha tembiporu XV Región Sanitaria Presidente Hayes-gua, ikatu hag̃uaicha oñeñatende porãve tapichakuéra oikóva Chákope. Ko’ápe katu ojegueraha G. 4.315.884.756 repy, he’i kuri química farmacéutica Blanca Ocampos. Omombe’u avei ojegueraha pohã oncología, reumatología, neumología – pronaterc, salud mental–controlado, nutrición-fórmula, ostomizado ha Programa Tuberculosis-pe g̃uarã.