Asunción, Agencia IP.- Tetã Rekuái omba’apóiti hína umi tavayguakuéra oguereko hag̃ua hógarã ipyahúva ha iporãva. Viceministro Urbanismo, Vivienda y Hábitat-guáva (MUVH), hérava Víctor Villasboa, ome’ẽ kuri 9 lláve umi hóga pyahu járape Ypanépe, tetãvore Central-pe.
Ko viru ñeme’ẽ ojejapo kuri Ueno Bank rupi, ha upéicha oipe’a hikuái 30 ary peve peteĩ tása ha’éva 6,5%. Hakatu umi cuota ha’e G. 1.850.000 guive 2.456.000 peve, opytátama upéicha crédito pukukue.
Ko’ã róga oguereko peteĩ térã mokõi koty, kotyjahuha, sála, estar-comedor ha lavadéro. Kóva ojapova’ekue empresa hérava Propio.
Upéicha, Tetã Rekuái, omotenondéva Mburuvichavetẽ Santiago Peña, omba’apóiti omombarete hag̃ua política habitacional ha omoirũ hag̃ua umi ogayguakuérape g̃uarã, oikuaaka MUVH.