Asunción, Agencia IP.- Operativo «Jaho í 2026» rupi, lunes pyhare guive martes pyhareve pyte 8 tapicha kuimba’éva oho kuri albergue transitorio-pe Secretaría de Emergencia Nacional (SEN)-guáva Bañado Sur-pe. Upépe oñeme’ẽ chupekuéra máte, rambosa, karu, meriénda ha céna, oikuaaka kuro motenondehára Arsenio Zárate.
Avei, omombe’u omba’apo haguére Municipalidad Paraguaýguava ndive ikatu hag̃uaicha ojeguereko jey ambue albergue ex autocine-pe, opytáva Costanera de Paraguaýpe. Ko convenio ojejaposéva oñeimo’ã oiko aja ro’ysã, septiembre peve.
He’i kuri avei ko albergue oreko tenda kuimba’e, kuña ha sy orekóva mitãpe g̃uarã.
Umi 8 tapicha apytépe, ojegueraha tasyo Barrio Obrero-pe peteĩ adulto mayor oguerekóva tos, ha upéi oho jey albergue-pe, oikuaaka kuri Roberto Fleitas, omba’apóva upépe, peteĩ entrevista Medios del Estado-ndive.
Upéi katu oñeme’ẽ avei kochõ ha frasáda 5 tapicha ndohoséiva albergue-pe.
Pe tendápe katu oguereko kotyjahuha, ao haku porãva ha pohãnohára oñatende hesekuéra.
Ko operativo-pe omba’apo hína oñondive Ministerio de Salud Pública, Ministerio de Defensa Nacional, Ministerio de la Niñez y la Adolescencia, Ministerio del Interior – Policía Nacional ha umi tavayguakuéra.