Asunción, Agencia IP.- Secretaría de Emergencia Nacional (SEN) ome’ẽ kuri 3.990 kílo tembi’u ogayguakuéra oĩva Asociación de Pescadores-pe ha Asociación de Oleros-pe, oikóva táva Villa Florida, tetãvore Misiones-pe.
Upéicha, oñeme’ẽ 57 kit orekóva tembi’u umi oléro kuérape ha 76 kit umi opeskáva, hembiapokuéra odepende ysyry Tebicuary rehe.
Tetã Rekuái, Villa Florida municipio ha Entidad Binacional Yacyreta omba’apo kuri oñondive omotenonde hag̃ua ko tembiapo.