Asunción, Agencia IP.- Albergue Costanera Norte-pe, Secretaría de Emergencia Nacional (SEN) rehegua, oho kuri 11 tapicha oikotevẽvéva ho’ysãve guive operativo «Jaho’i 2026» ryepýpe.
Ko’ã mbytépe oĩ 9 kuimba’e ha 2 kuña, oikuaaka kuri Hugo Manuel Servín, SEN mba’apohára, oñe’ẽro jave Medios del Estado-ndive.
Domingo asajepyte jave oĩ kuri 4 tapicha, ha ohove kuri 7 pyharekuépe. Oĩ ko’ãva apytépe ogueraháva kuri sistema 911 tahachi rehegua, ha ambue ogueraha kuri mba’apohára SEN rehegua ohóva ohecha mávapa la oikotevẽva kállepe, oikuaauka rire chupekuéra tavayguakuéra. Avei, SEN ome’ẽ kuri frasáda ha kochõ 3 tapichápe oĩva kállepe.
Ojeikuaa ojeguerekoha heta mba’e oñeipytyvõ hag̃ua umi oĩva albergue-pe. Oñemongaru chupekuéra kosído tortíllandi térã sóyo desayunorã.
Omombe’u avei hikuái noñeikotevẽiha ojerure asistencia médica umi ohóvape g̃uarã. Upe albergue-pe, ikatu opyta hikuái temperatura ha’évo 10 grados térã sa’ive.