Asunción, Agencia IP.- Ko ára guive, 4.432 adulto mayor oike ramóva pensión universal-pe okobráta ventanilla Banco Nacional de Fomento rupi. Ko’ã ha’e tapicha ombotýva 68 ary jasy julio peve.
Ko’ã ryepýpe, oĩ hína 2.858 tapicha ombotýva 68 ary, heñóiva’ekue julio 1958 térã mboyve, ha 643 tapicha orekóva 69 ary térã hetave, 352 tapicha ñane ypykuéra, 109 tapicha ikatupyrýva, 34 tapicha heñóiva’ekue ambue tetãme ha 436 tapicha oike jeýva.
Ojehechase ramo mávapa oiképa, ikatu ojeike listadoam.mds.gov.py.
Ko jasy opáva peve, 376.442 adulto mayor okobra hína ko mba’e oñeme’ẽva, ohupytýva 25% salario mínimo legal.
Ko universalización ojejapóva, he’iháicha Léi 7322, oipe’a kuri pe cénso ojejapova’ekue. Avei, ko’ág̃a ojeike pya’eve registro automático rupi.
Ministerio de Desarrollo Social (MDS) omotenonde hína ko política pública, ha oñeha’arõ oike opavave tapicha oguerekóva 65 ary guive.